Piparkökuhús - Kennsluleiðbeiningar fyrir unglingastig

Piparkökuhús er þemaverkefni þar sem nemendur hanna og baka piparkökuhús í gegnum samþætt námsferli sem byggir á hönnunarhugsun. Nemendur fara í gegn um hönnunarferli sem endar á skemmtilegri, fallegri og vonandi ætri afurð. Námsferlið er 12 námseiningar í einu samfelldu ferli.

• Áætluð lengd: 6 vikur. Mikilvægt er að kennarar lesi þemaverkefnið vel í gegn og geri þær breytingar sem henta hverju sinni.
• Grunnþáttur: Sköpun. 
• Námsgreinar: Íslenska, lykilhæfni, stærðfræði og list- og verkgreinar 
• Unglingastig: Þetta þemaverkefni er skrifað fyrir unglingastig. Verkefnin má þó auðveldlega vinna með yngri nemendum, með því að uppfæra hæfniviðmiðin og aðlaga viðfangsefnin.
• Markmið: Að nemendur séu skapandi og lausnamiðaðir í vinnu sinni, læri heimilisfræði og taki þátt í uppskeruhátíð.